Hareruia Aperahama
Whenu: Whakarongo (Kōrero)
Hei mahi ā-rōpū
Ka kōrero ia ākonga mō tētahi āhuatanga e pā ana ki a Hareruia Aperahama. Kotahi te rerenga kōrero anake mā ia ākonga. Kua kōrerohia kētia e tētahi atu ākonga.
Whenu: Pānui (Tuhituhi)
Ka pānui ngā ākonga katoa i te kōrero mō te whaea o Hareruia. I roto i tēnei kōrero ka kite tātou i te whakaawetanga o te whaea o Hareruia i roto i āna mahi.
- Me tuhi ngā ākonga i ō rātou whakaaro mō tēnei tūāhua.
- Me tāutu ia ākonga kia toru ngā whakaawetanga o tōna whaea ka pā ki a ia.
- Me tuhi waiata, mōteatea, whiti, reta rānei ngā ākonga ki ō rātou whaea.
Whenu: Tuhituhi (Pānui)
Me pānui ngā ākonga katoa i te upoko e pā ana ki a Hareruia Aperahama. Me rangahau ngā waiata kua titongia, kua waiatangia e te tangata mō te pēne waiata 'Southside of Bombay'.
Whenu: Whakaatu (Mātakitaki), Whakarongo (Kōrero)
Tono atu ki tētahi tangata e tohunga ana ki te whakatangitangi taonga puoro. Ka kōrero ia mō ngā āhuatanga o ērā taonga puoro. Me whai hoki ngā kōpae puoro o Hirini Melbourne rātou ko Richard Nunns, ko Brian Flintoff hei tautoko i tēnei mahi.
