Te wehe i te kāinga tupu; Te whakaritenga mō ngā haerenga
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Tuhituhi (Pānui) (Kōeke 4–5)
- Me whai hua, me mārama te tuhi a te ākonga i ngā momo tuhinga huhua noa mō ngā kaupapa whānui, ā, me hāngai te tuhinga ki te pūtake me te hunga pānui. (Kōeke 4)
- Me mārama, me whai hua, me whānui ngā momo tuhinga a te ākonga, me te āta aro anō me pēhea te whakaraupapa tika i ngā kaupapa. (Kōeke 5)
Ka taea hoki e te pouako te whakamahi i ēnei kōrero e pā ana ki te tuhituhi, kōeke 4–5:
He whakaahua whānui, whārangi 25–26
- He tirohanga whānuitanga: Reo whakaputa, whārangi 47–48
- Ngā whārangi whakamārama i te kawenga me ngā whai wāhitanga aromatawai, whārangi 87–88
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–137
- Ngā rārangi kupu, whārangi 138–165.
He mahi aromatawai
Ka whakaaturia tana mōhiotanga, inā:
- te tawhiti i haerea ai e ngā tīpuna
- i tupu ō rātou ahurea kia noho rātou hei tangata Tonga, hei tangata ‘Uvea, hei tangata Futuna, hei tangata Hāmoa
- ki te kore te tangata e whakarite tika, kei riro ia i a Tangaroa i tāna haerenga.
Ko tētahi mahi ka taea
Ka tuhi te ākonga i tētahi mahere whenua e whakaatu ana i ngā nekeneke o ngā waka moana, ka tau ki tēnā motu, ki tēnā motu. (Tuhituhi, kōeke 4)
Ngā hono ki tētahi atu marautanga
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–4)
Ka tito waiata te ākonga mō ngā nekeneke o ngā waka moana, ka tau ki tēnā motu, ki tēnā motu.
He whakataukī
Ka mate kāinga tahi, ka ora kāinga rua.
He whakamārama: Nā te pakanga, nā te mate kai pea ka mate te kāinga tuatahi o tētahi iwi, nā, ka whakaarotia ki tētahi kāinga hou.
