Te whakapapa o ngā reo
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Tuhituhi (Pānui) (Kōeke 4–5)
- Me whai hua, me mārama te tuhi a te ākonga i ngā momo tuhinga huhua noa mō ngā kaupapa whānui, ā, me hāngai te tuhinga ki te pūtake me te hunga pānui. (Kōeke 4)
- Me mārama, me whai hua, me whānui ngā momo tuhinga a te ākonga, me te āta aro anō me pēhea te whakaraupapa tika i ngā kaupapa. (Kōeke 5)
Ka taea hoki e te pouako te whakamahi i ēnei kōrero e pā ana ki te tuhituhi, kōeke 4–5:
- He whakaahua whānui, whārangi 25–26
- He tirohanga whānuitanga: Reo whakaputa, whārangi 47–48
- Ngā whārangi whakamārama i te kawenga me ngā whai wāhitanga aromatawai, whārangi 87–88
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–137
- Ngā rārangi kupu, whārangi 138–165.
He mahi aromatawai
- Ka whakaaturia tana tohungatanga ki te whakatakoto kōrero e hāngai ana ki te āhua o te whakapapa o ngā reo me te hunga pānui.
- Ka whakaaturia tana tohungatanga ki te āta tīpako i ngā kupu me ngā rerenga kōrero kia whai hua ai te tuhi.
Hei mahi
Ka mahi takitahi, ā-rōpū rānei e te ākonga ki te rangahau i ngā reo o tēnā iwi, o tēnā iwi, o te ao Māori. Ka whakatauritea ngā kitenga a te ākonga, a te rōpū rānei, ki ngā reo o ngā moutere o Te Moananui-a-Kiwa. (Tuhituhi, kōeke 4)
Ngā hono ki ētahi atu marautanga
Tikanga ā-Iwi i roto i te Marautanga o Aotearoa
Whenu: Te Ao Hurihuri (Taumata 1–3)
Ka whakahaere patapatainga e te ākonga i waenga i ōna mātua, mātua tīpuna hoki e pā ana ki te reo o tōna iwi.
Ngā Toi i roto i te Marautanga o Aotearoa
Whenu: Toi Puoro – Tūhura, Mahi, Mōhiotanga (Kōeke 1–4)
Ka tito waiata te ākonga mō ngā reo o te ao Māori, o ngā iwi maha o Te Moananui-a-Kiwa hoki.
He whakataukī
Tōku reo tōku ohooho, tōku reo tōku māpihi maurea, tōku reo tōku whakakai mārire.
