Māui – He atua, he tangata, he matua o Poronīhia
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Tuhituhi (Pānui) (Kōeke 4–5)
- Me whai hua, me mārama te tuhi a te ākonga i ngā momo tuhinga huhua noa mō ngā kaupapa whānui, ā, me hāngai te tuhinga ki te pūtake me te hunga pānui. (Kōeke 4)
- Me mārama, me whai hua, me whānui ngā momo tuhinga a te ākonga, me te āta aro anō me pēhea te whakaraupapa tika i ngā kaupapa. (Kōeke 5)
Ka taea hoki e te pouako te whakamahi i ēnei kōrero e pā ana ki te tuhituhi, kōeke 4–5:
- He whakaahua whānui, whārangi 25–26
- He tirohanga whānuitanga: Reo whakaputa, whārangi 47–48
- Ngā whārangi whakamārama i te kawenga me ngā whai wāhitanga aromatawai, whārangi 87–88
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
- Whakatakoto kōrero e kitea ai te auahatanga a te ākonga ki te tuhi kōrero paki mō Māui.
- Āta whakatakoto i ōna whakaaro mō ngā mahi a Māui kia mārama ai ia nā te aha i ū ai i tēnei wā.
- Whakawhanake i te tino kiko o ngā mahi a Māui, kia whai hua ai me te hononga ki ngā kōrero o ētahi atu o ngā iwi i Te Moananui-a-Kiwa.
Hei mahi
Mā te ākonga e tito he rotarota e pā ana ki tētahi tino kaupapa a Māui. (Tuhituhi, kōeke 4)
Ka whakatakoto kōrero te ākonga mō tētahi whakaaturanga pouaka whakaata, reo irirangi rānei, me te kī anō nā te aha a Māui i mahi pērā ai. (Tuhituhi, kōeke 5)
He hono ki tētahi atu marautanga
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 4–5)
Ka tito waiata te ākonga mō Māui e whakaahua ana i tōna ao me ētahi āhuatanga i noho tapu ai ki a ia mai i ngā kōrero pūrākau kei tēnā iwi, kei tēnā iwi o Te Moananui-a-Kiwa.
He whakataukī
Ka mau tā Māui ki tōna ringaringa e kore e taea te rūrū.
