Aotea
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Kōrero (Whakarongo) (Kōeke 4–5)
- Ahakoa te horopaki e whai hua ana te whai wāhi atu a te ākonga ki ngā whiriwhiri; ka taea anō hoki te whakaputa whakaaro, te whiu pātai me te mārama anō ki ngā hiahia o te hunga whakarongo mai. (Kōeke 4)
- Ka taea e te ākonga te whakaputa kōrero, te whakapuaki ōna ake whakaaro e pā ana ki ngā kaupapa maha, me te pakari anō o tana tū i ngā horopaki huhua noa. (Kōeke 5)
Ka taea hoki e te pouako te whakamahi i ēnei kōrero e pā ana ki te kōrero, kōeke 4–5:
- He whakaahua whānui, whārangi 25–26
- He tirohanga whānuitanga: Reo whakaputa, whārangi 39–40
- Ngā whārangi whakamārama i te kawenga me ngā whai wāhitanga aromatawai, whārangi 69–70
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
- Ngā momo waiata o ngā iwi o te waka o Aotea, me ngā āhuatanga e pā ana ki ngā tīpuna nā runga.
- Ngā pakanga i te whenua ake o ngā tīpuna o te waka o Aotea.
- Ngā taniwha o Aotea – he kaitiaki mō ngā tīpuna.
Hei mahi
Te mahi whakatautau – ka whakaritea e ngā ākonga ko wai kei te whakaari hei tūpuna o te waka o Aotea, kātahi ka whakarite rātou i tētahi hui, ā, me whakamōhio atu i taua wā tonu mēnā kāhore rātou e wawe haere i tō rātou kāinga, he raruraru kei te haere. (Kōrero, kōeke 4)
Ngā hono ki tētahi atu marautanga
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–4)
Ka tito waiata te ākonga mō te waka o Aotea.
He pepeha
Ko Aotea utanganui.
