Mā te ture anō te ture e āki
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.4 Tuhituhi i te reo o tōna ao (Kōeke 1–4)
- Ka taea e te ākonga te tuhi kōrero māmā ia rā, mai i tōna ao mōhio me ōna wheako whaiaro kia pupū ake te māramatanga me te hihiri ōna ki te tuhi (kōeke 1).
- Ka taea e te ākonga te tuhituhi mō tētahi wā ia rā hei whanake i te reo kua mau i a ia, hei kawe hoki i ōna wheako (kōeke 2).
- Me mārama, me whai hua tā te ākonga, tāna tuhi i ngā momo tuhinga huhua noa (kōeke 3).
Ka taea hoki e te pouako te whakamahi i ēnei kōrero e pā ana ki te tuhituhi, kōeke 1–4:
- He tirohanga whānui, whārangi 24–25
- Ngā pūkenga tuhituhi (kōeke 1–3) whārangi 47
- Ngā whārangi whakamārama i te kawenga me ngā whai wāhitanga aromatawai, whārangi 84–86
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
- ngā ture aukati i te noho a te Māori
- ngā ture āwhina i te noho a te Māori
Ko ētahi mahi ka taea
Ka tuhi wātaka te ākonga e whakamārama ana i ētahi ture ‘āwhina’ i te whakawhanaketanga i te noho a te Māori nō te hainatanga rā anō o te Tiriti o Waitangi. (Tuhituhi, kōeke 2-4)
Ngā hono ki ētahi atu marautanga
Tikanga ā-Iwi i roto i te Marautanga o Aotearoa
Whenu: Te Ao Hurihuri (Kōeke 1–3)
Ka whakahaere patapatainga te ākonga i waenga i ōna mātua, mātua tūpuna hoki e pā ana ki te Tiriti o Waitangi, kia kitea he aha ētahi ture he painga kua puta, he aha ētahi ture he kore painga rānei kua puta i te Tiriti o Waitangi ki a rātou.
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–3)
Ka tito waiata te ākonga mō te wairua ngana o te Māori.
He whakataukī
Ko te waka e hoehoe nei koutou ko te ture, mā te ture anō te ture e pakanga.
