Mōkai mokomoko
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.4 Tuhituhi i te reo o tōna ao (Kōeke 1–3)
- Ka taea e te ākonga te tuhi kōrero māmā ia rā mai i tōna ao mōhio me ōna wheako whaiaro kia pupū ake te māramatanga me te hihiri ōna ki te tuhi (kōeke 1).
- Ka taea e te ākonga te tuhituhi mō tētahi wā ia rā hei whanake i te reo kua mau i a ia, hei kawe hoki i ōna wheako (kōeke 2).
- Me mārama, me whai hua tā te ākonga, tāna tuhi i ngā momo tuhinga huhua noa (kōeke 3).
Ka taea hoki e te pouako te whakamahi ēnei kōrero e pā ana ki te tuhituhi, kōeke 1–3:
- He tirohanga whānui, whārangi 24–25
- Ngā pūkenga tuhituhi, kōeke 1–3, whārangi 47
- Ngā whārangi whakamārama i te kawenga me ngā whai wāhitanga aromatawai, whārangi 84–86
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
Ko ētahi mahi ka taea
Ka tuhi ruri, mōteatea, kōrero auaha te ākonga e pā ana ki te mokomoko, me tō rātou whakapau kaha kia toitū rātou, kia whakaputa uri anō i ō rātou taiao. (Tuhituhi, kōeke 1)
Ka tuhi kōrero poto te ākonga mō tētahi mokomoko e whakaahua ana i ngā wāhanga o tōna tinana, ā, pēhea tana whakamahi i aua wāhanga hei hopu kai māna. (Tuhituhi, kōeke 2–3)
Ka whakatakoto pūrongo ā-tuhi, ā-waha hoki e pā ana ki ēnei kaupapa. (Tuhituhi, kōeke 2–3)
Ngā hono ki ētahi atu marautanga
Ngā Toi i roto i te Marautanga o Aotearoa
Toi Ataata
Whenu: Tūhura, Mahi, Mōhiotanga (Kōeke 1–3)
Ka tuhi hoahoa te ākonga hei whakaatu i ngā momo mokomoko nō Aotearoa nei mai i te whānautanga ki te hemonga, me te whakaingoa i ōna anō wāhanga. Ka tuhi, ka whakaingoa hoki te ākonga i ngā wāhanga o te tinana mokomoko, o te tinana rānei o te punua mokomoko. Ka tuhi hoahoa te ākonga o te mokomoko, me te āta whakaatu i ngā tino wāhanga o tōna tinana ka āwhina i a ia ki te kimi kai, ki te hopu kai māna.
He whakataukī
Mate atu he tētēkura, ara mai he tētēkura.
