Kia mōhio ki ngā rawa
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.1 Whakarongo ki te reo o tōna ao (Kōeke 1–3)
- Ka mārama ki te ākonga ngā whakapuakitanga e pā ana ki ōna hiahia i roto i tōna ao (kōeke 1).
- Ka taea e te ākonga te āta whakarongo, te whakautu ngā kōrero e kōrero whānuitia ana ahakoa kei hea, kei hea (kōeke 2).
- Ka whakarongo, ka mārama, ka pāhekoheko te ākonga kia mau, kia roa ai ngā whiriwhiri ā-rōpū i ngā tūmomo horopaki ako katoa (kōeke 3).
Ka taea hoki e te pouako te whakamahi ēnei kōrero e pā ana ki te whakarongo, kōeke 1–3:
- He tirohanga whānui, whārangi 24–25
- Ngā pūkenga, whārangi 35
- Ngā whārangi whakamārama i te kawenga me ngā whai wāhitanga aromatawai, whārangi 57–58
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
Ko ētahi mahi ka taea
Ka tuhi ruri, mōteatea, kōrero poto rānei te ākonga e whakaahua ana i ngā āhuatanga katoa o tētahi o ngā momo tipu kua kitea i tēnei o ngā kōrero. Me tuhi pea ngā kōrero ānō nei ko ia tonu tētahi o aua tipu, ka whakamārama i ngā momo aupiki katoa i rokohanga atu.
Ngā hono ki ētahi atu marautanga
Tikanga ā-Iwi i roto i te Marautanga o Aotearoa
Whenu: Te Wāhi me te Taiao (Kōeke 1–3)
Ka rangahau te ākonga i te hītori o ngā huhua tipu huri i te ao.
Ka matapaki te akomanga i ngā rawa i wātea ki tētahi iwi ki te raranga.
Whenu: Te Ao Hurihuri (Kōeke 1–3)
Ka whakahaere patapatainga te ākonga i waenga i te hunga mōhio ki te raranga, kia kitea ai te rerekē haere o te noho pāpori, me ngā tikanga e whāia ana, i te takanga o te wā me te patapātai i te hunga mōhio ki te raranga, kia kitea ai mēnā kua rerekē rawa atu ā rātou tikanga raranga ki ō ngā tikanga raranga o mua.
He whakataukī
Mā tāu rourou, mā tāku rourou, ka ora ai te iwi.
Whiria te kaha tūātinitini, whiria te kaha tūāmanomano.
