Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Mā te Pouako Ministry of Education.

Mā te pouako navigation


Taku Manu Tukutuku

Ngā Whāinga Ako

Kia mōhio te ākonga:

  • ki te whakatakoto whakaaro mō te otinga o tētahi pāpono tūponotanga māmā
  • ki te reo māmā hei whakaputa whakaaro ki te tūponotanga o tētahi putanga
  • ki te kōrero mō ngā hua e puta ana i tētahi pūāhua tūponotanga.

Ngā Kupu/Kīanga Matua

āe mārika, tērā pea, kore rawa, matapae, manu taratahi, manu pātiki

I Mua i te Pānui Pukapuka

Whakawhitiwhiti kōrero mō te tikanga o te matapae me te reo māmā hei whakaputa whakaaro mō te tūponotanga. Hei tauira:

  • “Ki tō whakaaro, ina ka puta ki waho, ka kitea he arewhana?” “Kore rawa e kitea.”
  • “Ki tō whakaaro, ka kitea he noke?” “Tērā pea ka kitea.”
  • “Ki tō whakaaro, ka kitea he rākau?” “Āe marika, ka kitea.”
  • “He aha tō matapae? Ina ka puta ki waho, ka kitea he arewhana?”

Mahia ētahi ngohe pāpono tūponotanga. Hei tauira:

  • Hangaia ētahi waka rererangi pepa. Uia atu ētahi pātai. Hei tauira, “Ka taea e tō waka rererangi te rere? Āe mārika? Tērā pea? Kore rawa?” Ka whiua e ngā ākonga ngā waka rererangi. Ki te tika te whakaaro, te matapae rānei, ka taea e ia te whiu anō i tana waka rererangi.
  • Ka matapae ngā ākonga mehemea ka ua, ka whiti mai te rā, ka pupuhi te hau, ka hukarere āpōpō. Hei tauira, “Ki tō whakaaro, ka ua āpōpō? Āe mārika? Tērā pea? Kore rawa?” Tuhia ngā matapae a ngā ākonga ki tētahi whakaari raraunga.

He Pātai Whakawhitiwhiti Kōrero mō te Wā e Pānui Ngātahi ana te Pukapuka

  • “E aha ana ngā tamariki?” “Kua whakarere koe i te manu tukutuku?”
  • “He aha ō whakaaro, tōu matapae rānei?” “He aha koe i whakaaro pēnā ai?”
  • “Titiro ki te tūtohi. He aha ngā matapae a ngā ākonga?”
  • “Tokohia ngā ākonga ka matapae āe mārika, ka rere te manu tukutuku a ________?"
  • “Tokohia ngā ākonga ka matapae tērā pea ka rere te manu tukutuku a ________?"
  • “Tokohia ngā ākonga ka matapae kore rawa e rere te manu tukutuku a _______?"
  • “Ko wai e whakaae ana ki tēnei o ngā kōrero, ki tēnei o ngā matapae?"
  • “Tokoiti ake ngā ākonga i matapae āe mārika ka rere atu te manu tukutuku."
  • “He aha te matapae o te nuinga o ngā ākonga?”

Tuhia he tūtohi hei whakaatu i ngā matapae a ngā ākonga kei tōu ake akomanga i a koe e pānui pukapuka ana.

I Muri i te Pānui Pukapuka

Whakawhitiwhiti kōrero mō ngā matapae a ngā ākonga. Hei tauira:

  • “Ko te nuinga o ngā ākonga i matapae āe mārika ka rere te manu tukutuku a Kimi.”
  • “He tokoiti noa iho ngā ākonga i matapae tērā pea ka rere te manu tukutuku a Kimi.”
  • “Ko te itinga o ngā ākonga i matapae kore rawa te manu tukutuku a Kimi e rere.”

Hangaia ētahi manu tukutuku.

  • Ka matapae ngā ākonga mehemea ka rere te manu tukutuku.
  • Tuhia ngā matapae a ngā ākonga ki te tūtohi.
  • Ka whakamātauria ngā manu tukutuku.
  • Ka hoki anō ki ngā matapae a ngā ākonga, ka whakawhitiwhti kōrero. “Ko tēhea o ngā manu tukutuku i rere?”

Tonoa ngā ākonga kia āta whakaaro i tētahi atu kaupapa hei matapae i te pāpono tūponotanga māmā. Ka mahi ā-rōpū.

  • Ka whiriwhiri kaupapa.
  • Ka tuhi i ngā matapae ki te tūtohi.
  • Ka whakamātauria.
  • Ka kōrero i ētahi kōrero māmā mō ngā hua i puta mai.

Tonoa ngā ākonga kia whakaoti i ētahi rerenga kōrero ā-tuhi. Hei tauira:

  • Ko te nuinga o ngā ākonga i matapae ___________________.
  • Ko te itinga o ngā ākonga i matapae ___________________.
  • Tokoiti ngā ākonga i matapae   ______________________.

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Pāwhiria a konei mō ngā pārongo e pā ana ki te pukapuka.

Pāwhiria a konei mō ngā pārongo e pā ana ki te pukapuka.

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: